CIN BRETOÑA

O Centro de Interpretación de Bretoña está situado na Praza Campo da Igrexa, en Bretoña. Conta cunha exposición permanente e alberga exposicións temporais e actos.

Nel, podemos percorrer a historia tanto de Bretoña, localidade histórica do concello de A Pastoriza, como de todo este municipio da Terra Chá, cuios primeiros rexistros arqueolóxicos datan da prehistoria.

A Pastoriza é, dentro da rexión mindoniense, un dos lugares elixidos polos emigrantes britanos para asentarse durante os séculos V e VI. No CIN Bretoña podemos coñecer as diferentes etapas históricas:

  • INVASIÓNS BÁRBARAS
  • GRAN BRETAÑA
  • GALLAECIA
  • ORGANIZACIÓN ECLESIÁSTICA
  • CHAMOSO LAMAS
  • BRETOÑA

Así mesmo, no centro de interpretación, podemos coñecer a historia do Castro de Saa a través dos materiais atopados durante as intervencións arqueolóxicas coas súas reconstruccións dixitais.

Esta exposición permanente, mostra os distintos tipos de materiais utilizados durante as etapas castrexa e galaico-romana así como o uso dos mesmos. A gran pervivencia do castro, século III a.C. – século II d.C. permite contemplar a evolución nos traballos e materiais experimentada ó longo dos séculos.

Podemos atopar tamén unha reconstrucción e unha infografía dunha das vivendas galaico-romanas atopada durante as intervencións arqueolóxicas.

Contacto e Información

Para coñecer mais sobre o CIN Bretoña visita a páxina web oficial

gl_ES